«Ұстаз – ұлы тұлға»

С.Мұқанов атындағы №40 жалпы білім беретін мектепте 2025 жылғы 25 қыркүйек пен 5 қазан аралығында Ұстаздар мерекесіне арналған онкүндік ұйымдастырылды. Онкүндіктің мақсаты – ұстаздардың қоғамдағы мәртебесін арттыру, педагог мамандығына деген құрметті қалыптастыру және жас ұрпақтың ұстаз еңбегіне деген ілтипатын арттыру болды.

Онкүндік аясында түрлі мазмұндағы іс-шаралар өткізілді:

«Ұстаз – ұлы тұлға» тақырыбында ашық тәрбие сағаттары мен сынып сағаттары өтті;

Оқушылардың қатысуымен өлең оқу, ән айту, бейнеролик және челлендж байқаулары өтті;

Ардагер ұстаздармен кездесу ұйымдастырылып, жылы лебіздер айтылды;

Үздік педагогтер мен белсенді ұстаздар марапатталды.

Онкүндік ұстаздарға деген ерекше құрмет пен ризашылық сезімін оятты. Шара соңында мектеп директоры мен әкімшілік құрамы ұстаздарға алғыстарын білдіріп, кәсіби мерекелерімен құттықтады.

Қорытынды:

Онкүндік жоспарға сай жоғары деңгейде өтті. Барлық іс-шаралар мазмұнды, тәрбиелік мәні жоғары және мектеп ұжымының шығармашылық әлеуетін көрсетті.