«Жошы» фильмін тамашалады.

Күзгі демалыс кезінде С.Мұқанов атындағы №40 жалпы білім беретін мектеп коммуналдық мемлекеттік мекемесінде 5–7 сынып оқушылары үшін тәрбиелік маңызы зор іс-шара ұйымдастырылды. Оқушылар тарихи-тағылымдық «Жошы» фильмін тамашалады.

Фильм көрсетудің мақсаты – жас ұрпаққа қазақ халқының ұлы тұлғаларының бірі Жошы ханның ерлігі мен өмір жолын таныстыру, отансүйгіштік рухын қалыптастыру және ұлттық құндылықтарды дәріптеу болды.

Көрсетілім барысында оқушылар тарихи оқиғаларға қызығушылық танытып, фильмнен үлкен әсер алды. Фильм соңында пікір алмасу ұйымдастырылып, оқушылар өз ойларын ортаға салды. Олар Жошы ханның батырлығы, әділдігі мен ел бірлігін сақтау жолындағы еңбегі жайлы өз әсерлерімен бөлісті.

Мұндай іс-шаралар оқушылардың тарихқа деген қызығушылығын арттырып қана қоймай, олардың бойында рухани құндылықтар мен елжандылық сезімін қалыптастыруға септігін тигізеді.