МЕКТЕП БІТІРУ ІС- ШАРАЛАРЫН ӨТКІЗУ

МЕКТЕП БІТІРУ ІС- ШАРАЛАРЫН ӨТКІЗУ

    Қазақстан Республикасы Оқу-ағарту министрлігінің 2025 жылғы 2 мамырдағы №3-05-4/2977 хатына, Түркістан облысының білім басқармасының 2025 жылғы 3 мамырдағы №25/2977 хатына, Жетісай ауданының білім бөлімінің 2025 жылғы 05 мамырдағы шығыс №1753 хатына сәйкес, мектеп бітіру іс- шараларын өткізу жоспарланды. 

1. 2025 жылғы 23 мамыр күні «Білімім – Отаныма!» тақырыбында бірыңғай тәрбие сағатын өткізу; 

 Сынып сағатында «Адал азамат» біртұтас тәрбие бағдарламасының құндылықтарына басымдық беру;

Білім алушылар арасында эссе байқауын өткізу;

 Білім алушыларға «Таза Қазақстан», «Заң және тәртіп», «Адал азамат» тақырыптық бағыттары бойынша эссе жазу;

 Үздік жұмыстар сынып сағатында оқылып, авторларын марапаттау;

 Сынып сағаттарының сценарийлерін педагогтер әр сыныптың жас ерекшеліктерін ескере отырып, өз бетінше әзірлеу;

 Сынып сағатында демалыста оқуға ұсынылатын кітаптар тізімін ұсыну;

Қарауға болатын фильмдер тізімін ұсыну;

Қауіпсіздік шаралары, алдын ала жоспарланып ұйымдастырылған демалыстың артықшылықтары, қосымша білім беру ұйымдарына қатысудың тиімділігі, еңбек етудің пайдасы, ата-анаға, ата- әжелеріне көмектесудің қажеттілігін айту;

2.  11 сынып түлектері үшін оқу жылының қорытынды салтанатты іс-шарасы 2025 жылдың 23 мамырда өткізіледі. 

 Директордың оқу  жұмысы жөніндегі орынбасарлары үздік оқушыларды, қоғамдық жұмыс белсенділерін марапаттауды ұйымдастырады;

Салтанатты іс-шараның басталу уақыты 07.30;

Ұзақтығы 45 минуттан аспауы тиіс;

Іс-шара мектеп ауласында өткізіледі;

 Іс-шараға қатысушылар мектеп формасында болуы тиіс.

3. Оқу жылының қорытынды салтанатты іс-шарасы кезінде қауіпсіздік шаралары  бақылауда болады.     

 Санитарлық режимді, жеке бас гигиенасын сақтау шарттарын қатаң қамтамасыз ету;

 Жергілікті полиция қызметкерлерін тарта отырып, мектептің аумағында кезекшілікті қамтамасыз ету;

 Төтенше жағдайлар туындаған жағдайда қауіпсіздік шараларын сақтау және эвакуациялау;

Құқық қорғау органдарының, төтенше жағдай және денсаулық сақтау қызметкерлерін қоғамдық тәртіпті сақтауға тарту;

4.Сынып сағаттарын, соңғы қоңырау, аттестат тапсыру шараларын өткізу барысында педагогикалық этика мен сыбайластық жемқорлықтың алдын алу, құқық бұзушылықтардың алдын алу мақсатында түсіндіру жұмыстары жүргізілді. 

Әкімшілік пен педагогтерге сыйлықтар беруге, ақшалай қаражат жинауға жол бермеу;

 Аниматорлар, агенттіктер мен жеке студияларды тартуға, көлік жалдап, шерулер ұйымдастыруға, 4-сынып оқушылары үшін салтанатты шаралар өткізуге жол бермеу;

Мектеп бітіру іс-шараларды тек қана мектеп аумағында өткізу;

Мектеп бітіруші түлектердің ата-аналарымен сәнді киім-кешекке жұмсалатын шығындардың орынсыздығы туралы түсіндірме жұмыстарын жүргізу;

 Мерекелік дастархандарды ұйымдастыруға тыйым салынады;

 Жалға берілетін автокөліктерді пайдалана отырып, елді мекенде, елді мекен сыртында экскурсиялар өткізуге жол бермеу;

Мейрамхана, кафе, басқа да ойын-сауық орындарында мектеп бітіру іс-шараларын ұйымдастыруға тыйым салынады.