«АДАЛ АЗАМАТ»

 «АДАЛ АЗАМАТ» БІРТҰТАС ТӘРБИЕ БАҒДАРЛАМАСЫ ШЕҢБЕРІНДЕ БІЛІМ БЕРУ ҰЙЫМДАРЫНДА ЭССЕ жазу байқауы 1-4,5-9,10-11-сынып арасында өтті. 

   Эссе тақырыбы: " Адал азамат "

      Әрбір мемлекеттің дамуы мен өркендеуі сол елдің азаматтарының адалдығына тікелей байланысты. Адалдық – адам бойындағы ең асыл қасиеттердің бірі. Адал азамат дегеніміз – шыншыл, әділ, елге, отбасына, Отанына жан-тәнімен қызмет ететін, ешкімге қиянат жасамайтын тұлға.

      Адал азамат болу – тек заңды бұзбау емес, сонымен қатар адамгершілік қағидаларын ұстану. Адал адам әрқашан өз ісіне жауапкершілікпен қарайды, ешкімнің еңбегін жек көрмейді, алдаудан аулақ жүреді. Мұндай азаматтар қоғамда сенім мен сый-құрметке ие болады. Олар айналасына үлгі болып, жастарды тәрбиелеуде үлкен рөл атқарады.

       Қазіргі қоғамда адалдықтың маңызы бұрынғыдан да артып отыр. Жемқорлық, жалған сөйлеу, сенімді ақтамау секілді теріс әрекеттерден тек адалдық пен тәртіп арқылы ғана арылуға болады. Ел болашағы – жастар десек, олардың бойында адалдық қасиетін қалыптастыру – әрбір ұстаздың, ата-ананың, қоғамның ортақ міндеті.

      Тарихта да адал азаматтар аз болмаған. Мысалы, Абай Құнанбайұлы, Ахмет Байтұрсынұлы сияқты тұлғалар шындық пен әділет үшін күресіп, өз ұлтының болашағы үшін аянбай еңбек етті. Олардың өмірі мен мұрасы бүгінгі ұрпаққа үлгі.

      Қорытындылай келе, адал азамат – қоғамның тірегі. Әрбір адам өз өмірінде адалдықты ту етіп ұстаса, еліміздің болашағы жарқын, келешегі кемел болары анық.