«Сыбайлас жемқорлыққа қарсы іс-қимыл туралы»

17 күні мектебімізде ата-аналар жиналысы өткізілді.Қазақстан Республикасының «Сыбайлас жемқорлыққа қарсы іс-қимыл туралы» Заңы мен  2024-2025 жылдарға арналған сыбайлас жемқорлыққа қарсы стратегиясын  

іске асыруға арналған іс-шаралары бойынша іс шаралар жоспары негізге алынған. Мектепте түрлі себептермен кез-келген мерекелік іс-шараларды өткізуге,  шаруашылық, кеңсе  заттарын алуға, тағы басқа мақсатта ата-аналардан заңсыз ақша жинауға қатаң түрде тыйым  салу бағытында  ата-аналар мен мектеп ұжымына түсіндірме жұмыстарын жүргізілуде. Біздің мектебімізде сынып жетекшілеріне оқушылардан ақша жинауға үзілді-кесілді тыйым салынған. Мектепте ақша жинамау туралы бұйрық та мектептің кіреберісінде ілулі тұр. Мектеп әкімшілігі 2024-2025 оқу жылында соңғы қоңырауға және қорытынды аттестаттауды тапсыруға арналған салтанатты жиынды өткізу кезінде сыбайлас жемқорлыққа қарсы мәдениетті қалыптастыру мақсатында  ЕСКЕРТЕДІ:

1. Мектеп әкімшілігі мен мұғалімдерге кез-келген түрдегі сыйлықтар алуға, қолма-қол ақша жинауға, соның ішінде ата-аналар комитетінің көмегімен тыйым салынады;

2. Мектептің қажеттіліктеріне, 4,9,11 сыныпты аяқтауға ақша жинауға қатаң тыйым салынады;

3. Мектеп әкімшілігі мен сынып жетекшілері «Соңғы қоңырау» іс-шарасын өткізу тәртібі және қауіпсіздік талаптарын сақтау туралы барлық қатысушыларға нұсқау беруі қажет;

4. Мектеп оқушыларына оқу жылы мен мектептің аяқталуына арналған салтанатты жиын өткізілетін күні саябақтарында, ойын-сауық орындарында, сондай-ақ оданда тыс жерлерде жаппай мерекелер ұйымдастыруға қатаң тыйым салынады.

Ата-аналар назарына! 

1-11 сынып оқушыларына су, өрт қауіпсіздігі туралы түсіндіру жұмыстары жүргізілді. 

"Жазғы демалыс — балалардың үшін 

 ең қызықты әрі белсенді уақыт!

* Бірақ бұл мезгілде қауіпсіздік шараларын сақтау  — ата-ана мен үлкендердің басты міндеті. 

*Балалардың қауіпсіздігін сақтау үшін мына ережелерге назар аударыңыз: 

Суда жүзу кезінде: 

—Балаларға қараусыз суға түсуге жол бермеңіз; 

—Жүзу білмейтін балаларға суға түсуге жол бермеңіз; 

—Қауіпті жерлерде (терең өзен, көл, тыйым салынған орындар) суға шомылуға рұқсат бермеңіз; 

—Су жанында әрдайым ересектердің бақылауы қажет! 

 *Өрт қауіпсіздігі; 

—Балаларға  сіріңке, оттық секілді заттарды ұстатпаңыз; 

—Аулаға жақындауға болмайтынын түсіндіріңіз; 

—Табиғат аясында от жағу ережелерін сақтаңыз және балаларды бұл іске араластырмаңыз; 

—Үйде тұрмыстық техниканы пайдалану кезінде балаларды жалғыз қалдырмаңыз. 

 *Балаларға қауіпсіздік ережелерін түсінікті тілмен жиі қайталап отырыңыз. 

Балаларыңызбен ашық сөйлесіп, жазғы мезгілдің қуанышы қауіпке айналмас үшін бірге сақ болайық! 

 Құрметті ата-аналар! Жоғарыда аталған талаптарды орындаудың маңыздылығын еске саламыз, өйткені біздің балаларымыздың өмірі, денсаулығы мен қауіпсіздігі осыған байланысты.