«Бәріміз әртүрліміз- бәріміз теңбіз» атты Арнайы педагог, логопед, педагог -ассистент апталығы болып өтті.

«С.Мұқанов атындағы №40 жалпы білім беретін мектеп» коммуналдық мемлекеттік мекемесінде 2026 жыл 23-27 ақпан аралығында «Бәріміз әртүрліміз- бәріміз теңбіз» атты Арнайы педагог, логопед, педагог -ассистент апталығы болып өтті.  Осыған орай 2 сынып оқушылары арасында «Ойлан тап, бірге жең!» атты сайыс сабағы болып өтті. Оқушылар топқа бөлініп, сабақ соңында жүлделі орындармен марапатталды. 25 ақпан күні «Ерекше бала-ерекше әлем» атты мұғалімдер арасында тренинг болып өтті. 26 ақпан күні «Қазақстан менің алтын бесігім!» атты суреттер байқауына оқушылар қатыстырылды. 27 ақпан күні үйде оқитын оқушыға психологиялық-педагогикалық қолдау мақсатында логопед Тілеумбетова Т. және педагог-ассистент Анарбек А. арнайы педагог Артыкбаева Айсұлу апаймен бірлесе отырып қосымша сабақ ұйымдастырылды. Апталықтың негізгі мақсаты білім алушылардың жеке ерекшеліктерін ескере отырып, тиімді әдіс-тәсілдер арқылы олардың танымдық қабілеттерін дамыту, түзете дамыту жұмыстарын жетілдіру және білім сапасын арттыру. Апталық барлық қатысушыларға шабыт пен ізгілік нұрын сыйлады деген сенімдеміз.