Алғыс айту күні 1 наурызда

3 «А» сыныбында Алғыс айту күніне арналған сынып сағаты өтті. Сынып жетекшісі – Дошманова Патима.

Қазақстанда Алғыс айту күні 1 наурызда аталып өтеді. Бұл мереке Қазақстан халқына ортақ татулық пен бірліктің, мейірім мен ризашылықтың символы болып саналады.

Сынып сағаты барысында оқушылар:

Алғыс айту күнінің шығу тарихымен танысты;

Бір-біріне, ата-аналарына және ұстаздарына алғыс білдірді;

«Рақмет саған…» атты жылы лебіздер шеңберін ұйымдастырды;

Тақырыпқа байланысты өлеңдер оқып, мақал-мәтелдер айтты;

«Алғыс – жүректен» атты шағын шығармашылық жұмыс жасады.

Іс-шараның мақсаты – оқушыларды үлкенді құрметтеуге, кішіге ізет көрсетуге, ризашылық пен сыйластыққа тәрбиелеу.

Сынып сағаты өте әсерлі әрі тәрбиелік мәні жоғары деңгейде өтті. Оқушылар белсенді қатысып, өз ризашылықтарын шынайы жеткізе білді.