«Жаңару» күні жаппай ағаш отырғызу

19 НАУРЫЗ - ЖАҢАРУ КҮНІ

19 наурыз - «Жаңару»  күні жаппай ағаш отырғызу дәстүрі еліміздің  жаңару кезеңін, дамуы мен гүлденуін бейнелейді. 

Наурызнаманың әр күні мектебімізде  игі іс-шаралармен жалғасып, ұлттық құндылықтарымыз дәріптеліп жатыр. Жаңару күні  әрбір азаматтың өміріндегі жаңа кезеңнің басталуын білдіреді. 

Бұл күні адамдар ағаш егіп, ұрпағымыз көктеп, көгерсін деп ниеттенеді. Отырғызылған ағаштардың жеміс бергені сияқты жаңа идеялар мен құндылықтар, алға қойған мақсаттар жемісін беріп, өркендеуге жетелейді. 

Осы мақсатта бүгін мектебіміздің оқушылары наурызнама онкүндігінің алтыншы күні «өмірдің жаңаруын» бейнелейтін жаппай ағаш отырғызу шарасына қатысты.

 «Жаңару» күні барша азаматтарды ортақ мақсаттарға жету жолында бірігуге және ынтымақта болуға, туған жердің табиғатын көркейтуге өз үлесін қосуға шақырамыз!