Ағылшын тілі апталығы салтанатты түрде ашылды

С.Мұқанов атындағы №40 жалпы білім беретін мектепте Ағылшын тілі апталығы салтанатты түрде ашылды. Ашылу рәсіміне ағылшын тілі пәні мұғалімдері және оқушылар қатысты.

Апталықтың ашылуы әсерлі әнмен, би қойылымдарымен және ағылшын тіліндегі көріністермен өрнектелді. Оқушылар өз өнерлерін ортаға салып, ағылшын тілін үйренудің маңыздылығын ерекше ықыласпен көрсетті.

Мұғалімдер апталықтың мақсат-міндеттерін таныстырып, оқушыларды белсенділікке, шығармашылыққа және тіл мәдениетін дамытуға шақырды.

Іс-шара соңында қатысушыларға сәттілік тілегі айтылып, апталықтың ұраны жарияланды. Ашылу шарасы көтеріңкі көңіл күй мен жағымды әсер қалдырды.